Хитойдан келган Istanbul Bridge контейнер кемаси илк бор Арктика орқали Буюк Британияга етиб келди.

13 октябрь куни кема 20 кунлик йўлдан сўнг Англиянинг шарқидаги Феликстоу портига етиб келди. Бу — Хитойни Европага боғлайдиган янги “Арктика экспресс-маршрути” бўлиб, у товар етказиб бериш вақтини кескин қисқартиради.

Қиёс учун:
— Темирйўл орқали Хитой–Европа йўли — 25 кун,
— Сувайш канали орқали — 40 кун,
— Африка атрофидан — 50 кун.

Нинбо-Чжоушань портидан чиққан Istanbul Bridge қарийб 4 минг контейнер олиб келган ва Британия, Германия, Польша ҳамда Нидерланд портларига юк туширади.