Xiaomi Corp. акциялари сешанба куни Гонконг савдоларида ҳайдовчиларга ёрдам бериш тизимидан фойдаланаётганда компаниянинг электромобили иштирокида ҳалокат юз бергани ҳақидаги хабарлардан кейин 5,5 фоизга арзонлашди.
"Интерфакс" хабар беришича, Xiaomi Weibo ижтимоий тармоғида 29 март куни Аньхой провинциясидаги тезюрар йўлда SU7 русумли электромобиль ЙТҲга учраганини тасдиқлади. Расмий баёнотда қурбонлар бор-йўқлигига аниқлик киритилмаган, бироқ Хитой оммавий ахборот воситалари уч киши ҳалок бўлганини хабар қилган.
Компаниянинг таъкидлашича, полиция воқеа ҳолатларини ўрганмоқда. Дастлабки маълумотларга кўра, ҳайдовчига ёрдам бериш тизими ҳалокатга 20 дақиқадан камроқ вақт қолганда ишга тушган ва ҳайдовчини рулни ушлаб туриш ҳақида бир неча бор огоҳлантирган. Ҳайдовчи бошқарувни ўз қўлига олганидан бир неча сония ўтгач, тўқнашув содир бўлди.
Маҳаллий матбуотнинг ёзишича, зарбадан кейин электромобиль ёниб кетган ва корпуснинг катта қисми вайрон бўлган.
Мутахассисларнинг айтишича, автоҳалокат автоном ҳайдаш технологияси хавфсизлигига оид саволларни туғдиради.
2024 йилда Xiaomi SU7 Series етказиб бериш ҳажми 136 854 донани ташкил этди. Март ойида компания 2025 йил учун прогнозини 300 000 дан 350 000 тагача кўтарди.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Қувайт энди Эронга ошкора ваъда берди
ТЕЗКОР АХБОРОТ: Ўзбекистоннинг баъзи ҳудудларини сув босиши мумкин
