Хитойда тўрт нафар Канада фуқароси қатл этилди – The Wall Street Journal

Нашрнинг хабар беришича, Хитойда тўрт нафар Канада фуқароси қатл қилинган. Улар ҳақида батафсил маълумот ошкор этилмаган.

Канада Ташқи ишлар вазири Мелани Жолига кўра, қатл этилган шахслар бир вақтнинг ўзида Канада ва Хитой фуқаролигига эга. Жоли ва собиқ бош вазир Жастин Трюдо қатл жараёнини тўхтатишга ҳаракат қилган, аммо бу натижа бермаган.

"Хитойда барча айбланувчиларга бир хил муносабатда бўлади. Канада қонун устуворлигини ҳурмат қилиши ва Хитойнинг суд ишларига аралашишни бас қилиши керак", – дея муносабат билдирди Хитой Ташқи ишлар вазирлиги вакили Мао Нин.