Хитойнинг Хенан провинциясидаги саноат зонасида юз берган портлаш оқибатида камида беш киши ҳалок бўлди, 14 киши жароҳат олди.
Бу ҳақда Хитой марказий телевидениеси маълум қилди.
Қайд этилишича, воқеа Юнченг шаҳридаги «Гаожуан» саноат паркида содир бўлган. Портлаш сабаби “Zhongrui Nonferrous” компанияси заводида алюминий қуйма ишлаб чиқариш учун мўлжалланган ускунанинг носозлиги бўлган.
Қайд этилишича, милиция ходимлари ушбу объектнинг ишлашига масъул шахсларни қўлга олган.
Воқеа тафсилотлари ўрганилиб, тергов ҳаракатлари олиб борилмоқда.