Россия ҳарбий жиҳатдан енгилмайди

Россия ҳарбий жиҳатдан енгилмайди, урушнинг авж олиши эса томонлар учун тузатиб бўлмайдиган оқибатларга олиб келади, деди Қозоғистон президенти Қосим-Жўмарт Тўқаев.

16 сентябр куни куни Остона шаҳрида Қозоғистон президенти Қосим Жўмарт Тўқаев Германия канцлери Олаф Шолц билан учрашувда Украинадаги вазият ҳақида фикр билдирди.

"Факт шуки, Россия ҳарбий жиҳатдан енгилмайди. Урушнинг янада авж олиши бутун инсоният ва биринчи навбатда, Россия-Украина можаросида бевосита иштирок этаётган барча мамлакатлар учун тузатиб бўлмайдиган оқибатларга олиб келади. Афсуски, Истанбул битимини тузишдан бош тортиш билан ҳеч бўлмаганда сулҳга эришиш учун яхши имконият йўқолди. Аммо тинчлик учун имконият ҳали ҳам мавжуд", —дея фикр билдирди Қозоғистон етакчиси Германия канцлери билан учрашувда.

Тўқаевнинг сўзларига кўра, турли давлатларнинг барча тинчлик ташаббусларини диққат билан кўриб чиқиш ва ҳарбий ҳаракатларни тўхтатиш тўғрисида қарор қабул қилиш керак, кейин ҳудудий масалаларни муҳокама қилишга ўтилади.

"Бизнингча, Хитой ва Бразилия таклиф қилаётган тинчлик режалари қўллаб-қувватланишга лойиқ. Давлат раҳбарлари келиб-кетади, лекин халқлар, айниқса, қўшни халқлар тинч ва ўзаро ҳамжиҳатликда яшаши керак", — дея қўшимча қилди Қозоғистон президенти.