Хитойлик олимлар «бўлажак урушлар характерини тубдан ўзгартириб юбориши» мумкин бўлган кичик ўлчамли атом соатини яратди, деб хабар беради South China Morning Post.
Нашр маълумотларига кўра, NIM-TF3 атом соатининг баландлиги худди ўртача ўлчамли музлаткичдек — 1,5 метрга тенг. Қурилмани ҳарбий юк машинасига ортиб, узоқ масофага олиб кетиш мумкин. Янги соат аниқлиги сониянинг бешдан бир квадриллион улушидан камроқ.
Юқори аниқликда ишлайдиган бу каби атом соатлар ҳарбий соҳада бир-биридан минглаб километр узоқликдаги радарларнинг синхрон ишлашини таъминлаш, «кўринмас» қирувчи самолётларни аниқлаш ва кузатишда қўл келади. Шунингдек, қурилма радиоэлектрон кураш тизими сигналларини кучайтиришга ва катта маълумотлар узатилишини соддалаштиришга ёрдам беради.
NIM-TF3 атом соати ХХР Миллий метрология институти томонидан яратилган. Маълумотларга кўра, у профессионал хизмат кўрсатишсиз ҳам узоқ вақт давомида ишлай олади.
Алишер Қодиров Қонунга қарши овоз берган ҳамкасбларига мурожаат қилди: “Истеъмолчининг 3 тадан 2 таси ёшлар. Ярми қизлар”
Менга қанча пенсия чиқар экан? ёки бўлажак пенсионерларга тавсиялар
Гулнора Каримова манзил колонияга ўтказилди
