Хитойда "ҳарбий кучларнинг таъсирчан намойиши" ўтказилди

Хитой Халқ озодлик армиясининг Пекиндаги Тяньаньмэнь майдонида ўтказилган ҳарбий парадида таъсирчан турдаги янги қуролларини намойиш этди.

Бундай баҳо CNN телекомпанияси томонидан берилди.

Таъкидланганидек, парад "ҳарбий кучларнинг таъсирчан намойиши" бўлди ва Хитой "янги қуролларнинг таъсирчан диапазони, жумладан, қитъалараро баллистик ракеталар, гипертовушли қанотли ракеталар ва дронларни" намойиш этишга муваффақ бўлди.

Пентагоннинг собиқ расмийси Эли Рэтнер CNN учун шарҳида парадни "Хитойнинг қаттиқ ва юмшоқ кучининг кучли намойиши" деб атади.