Хитой урушни якунлаш бўйича музокараларда "конструктив рол" ўйнашга тайёр

Бу ҳақда Хитой ташқи ишлар вазири Ван И Москвага ташрифи чоғида маълум қилди

"Хитой урушни ҳал қилиш жараёнида иштирок этаётган томонларнинг истакларини ҳисобга олган ҳолда, халқаро ҳамжамият, аввало, “Глобал Жануб” мамлакатлари билан биргаликда конструктив рол ўйнашга тайёр", — дея фикр билдирди Ван И.

Унга кўра, можарони ҳал этиш "мулоқот ва музокаралар орқали" амалга ошиши лозим. Шунингдек, вазирнинг таъкидлашича, тинчлик келишуви "барча томонлар учун мақбул, адолатли, узоқ муддатли ва мажбурий" бўлиши зарур

Шу билан бирга, Ван И Хитой ва Россияни "абадий дўстлар" деб атади ҳамда Вашингтон ҳамда Москванинг ўзаро муносабатларни нормаллаштириш йўлидаги ҳаракатларини олқишлади.

"Бу кучлар мувозанатини барқарорлаштиришга хизмат қилади ва мураккаб халқаро вазиятда умид уйғотади", — дея қўшимча қилди Хитой ТИВ раҳбари.

Ван И Москвага ташрифи давомида Россия ташқи ишлар вазири Сергей Лавров ва президент Владимир Путин билан учрашиши кутилмоқда.