"Битсевский маньяк" номи билан танилган серияли қотил Александр Пичушкин умрбод қамоқ колониясида 17 йил ўтирганидан сўнг яна 11 та очилмаган қотиллик бўйича кўрсатма беришга тайёрлигини билдирди. Бу ҳақда ФСИН матбуот бюроси маълумотига асосланиб, ТАСС хабар бермоқда.
Серияли қотил Александр Пичушкин 48 кишини ўлдиришда айбдор деб топилган, аммо у ўзи 60 тагача одам ўлдирганини ва бу рақамни шахмат тахтасидаги катаклар сони бўйича 64 тага етказмоқчи бўлганини таъкидлаган. У биринчи қотилликни 1992 йилда, ҳали талаба пайтида содир этган. 2001 йилдан кейин эса мунтазам равишда, асосан Москванинг Битсевский боғида қотилликлар содир эта бошлаган.
Қурбонлар орасида кексалар, уйсизлар, ичкиликбозлар, шунингдек, тасодифий танишлар бўлган. Кўпинча у қурбонларининг бошига урган, баъзида эса ўлдириб, кейин жасадларни канализация қувурларига ташлаган ёки буталар орасига яширган. Баъзи қурбонлар ўта шафқатсизлик билан ўлдирилган - терговчилар ўлим сабабини дарҳол аниқлай олмаслиги учун маньяк шишаларни уларнинг бош чаноғида қолдирган.
Пичушкин 2006 йил июнда шахсан таниш бўлган сўнгги қурбони - бир аёлни ўлдиргандан сўнг ҳибсга олинган. Аёл ўғлига Пичушкин билан сайрга чиқаётганини айтган ва унинг телефони Битса ҳудудидаги охирги жойлашувни кўрсатган. 2007 йил октябрда Москва шаҳар суди уни умрбод қамоқ жазосига ҳукм қилди. Қотил ҳозирда "Қутб бойқуши" номли қамоқхонада (Ямал-Ненец автоном округида) жазосини ўтамоқда.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Қувайт энди Эронга ошкора ваъда берди
ТЕЗКОР АХБОРОТ: Ўзбекистоннинг баъзи ҳудудларини сув босиши мумкин
