Хитойнинг Нанкин университети талабаларига мулоқот кўникмаларини ривожлантириш, ижтимоий қўрқув ва телефон орқали суҳбатлашишдан чўчишни енгишга қаратилган курс таклиф этилмоқда.
South China Morning Post газетаси хабар беришича, «Оғзаки нутқ» деб номланган дастур илк бор 2015 йилда йўлга қўйилган. Шундан бери у университетдаги энг машҳур курслардан бирига айланган.
Талабалар ушбу курсда ихтиёрий равишда иштирок этади. Машғулотлар давомида улар ўз қўрқувларини енгиб, тасодифий нотаниш кишига телефон орқали қўнғироқ қилиши ва ундан интервью олиши керак.
Кўплаб талабалар машқ қилишни дастлаб қариндошлари ёки дўстларига қўнғироқ қилишдан бошлайди. Улар яқинларидан ўзларини нотаниш одам сифатида тутишни сўрайди.
Айрим талабалар эса интернетда телефон орқали суҳбатлашиш учун ҳамсуҳбат излаб эълонлар жойлаштиради. Бироқ бу усул унчалик самарали эмас, чунки одамлар фирибгарликдан хавотирланади.
Талабалар вазифани амалда бажариш жараёнида ҳам қийинчиликларга дуч келишади. Сабаби, кўпчилик номаълум рақамлардан келган қўнғироқларга жавоб беришни истамайди ва интервью беришга рози бўлмайди.
Хонг Имин исмли талаба 30 та телефон рақамига қўнғироқ қилган. Бироқ улардан атиги беш киши қўнғироққа жавоб берган ва фақат бир нафари суҳбатлашишга рози бўлган.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
