Хитой ТИВ: "Яқин Шарқда можароларнинг қайта бошланишига йўл қўймаслик керак"

Хитой ташқи ишлар вазири Ван И Яқин Шарқда қарама-қаршиликка қайтиш ва куч ишлатиш қабул қилиниши мумкин эмаслигини айтди.

Бу ҳақда Хитой ташқи ишлар вазири Покистон ташқи ишлар вазири Муҳаммад Ишоқ Дар билан телефон орқали суҳбат чоғида айтди.

Ван И Покистонни Эрон-АҚШ ўртасидаги ўзаро англашув меморандумининг биринчи босқичини амалга оширишга кўмаклашгани билан табриклаб, тинчликка интилиш барча давлатларнинг, жумладан, Хитой ва Покистоннинг умумий халқаро масъулияти эканлигини таъкидлади.

"Тинчлик эшиги аллақачон очилган ва у яна ёпилмаслиги керак. Яқин Шарқ узоқ вақтдан бери урушдан азият чекмоқда ва унинг халқи тинчликка лойиқ", деди Хитой ташқи ишлар вазири.

Ван Ининг сўзларига кўра, эришилган келишув Яқин Шарқ ва Форс кўрфази минтақасида узоқ муддатли тинчлик ва барқарорликни таъминлаш йўлида янги босқични белгилайди. У музокараларнинг иккинчи босқичи биринчи босқичга қараганда қийинроқ бўлиши мумкинлигини, аммо томонлар эришилган ютуқлардан воз кечмасликлари кераклигини таъкидлади.

"Хитой орқага қайтиш йўқлигига ишонади ва яна куч ишлатишга мурожаат қилиш керак эмас", деди Ван И.