Хитой халқ банкининг (ХХБ, Марказий банк) пул-кредит сиёсатининг позицияси ва йўналиши 2025 йилда қўллаб-қувватланади. Бу ҳақда ХХБ раҳбари Пань Гуншэн маълум қилди, дея хабар беради Xinhuа агентлиги.
Пань Гуншэннинг сўзларига кўра, Марказий банк оқилона ва етарли ликвидликни сақлаш, шунингдек, корхоналар ва уй хўжаликларини молиялаштириш бўйича умумий харажатларни камайтириш учун пул-кредит сиёсатининг турли воситаларидан фойдаланиш ва контрациклик тартибга солишни кучайтириш ниятида.
ХХБ кўчмас мулк ва капитал бозорларининг барқарор ривожланишига кўмаклашиш учун пул-кредит сиёсатининг таркибий воситаларидан самарали фойдаланишга ҳаракат қилади.
- Марказий банк турли даражадаги пул массаси, шунингдек, ижтимоий ҳаракатчанлик мониторингини кучайтиради, - дея қўшимча қилди Пань Гуншэн.
Аввалроқ Хитой Марказий банки 2025 йилнинг январидан бошлаб М1 пул массасини ҳисоблашнинг янги тамойили жорий этилишини, бундан буён жисмоний шахсларнинг талаб қилиб олинмагунча депозитлари ва нобанк тўлов институтлари мижозлари захираларини ўзида сақлашини маълум қилганди.
Ноябр ойида ХХБ давлат облигацияларини харид қилиш ва тескари қайта сотиб олиш операциялари орқали Хитой бозорига 1 триллион юан (тахминан 137,6 миллиард доллар) киритди.
Жанубий Корея қирувчилари Россия ва Хитой ҳарбий самолётларига қарши
Баҳсли пеналти оқибатида 100 дан зиёд одам ҳалок бўлди
Зеленский ўт очишни тўхтатишга тайёр
