France Intelligence (Франция разведка хизмати) маълум қилишича, Хитой ўз элчихоналари орқали французча Rafale жангувчи самолётлар самарадорлигига нисбатан шубҳа уйғотишга ҳаракат қилмоқда. Бу ҳақда Associated Press хабар берди.
🚫 Маълумотларга кўра, Покистон ҳарбий-ҳаво кучлари Ҳиндистонга тегишли учта Rafale самолётини уриб туширган. Бу воқеа ушбу самолётларни харид қилган давлатларда уларнинг самарадорлигига нисбатан саволлар пайдо қилишга сабаб бўлган.
Франция разведкасига кўра, Хитой ҳарбий атташелари Rafale самарадор эмас, деган қарашни ёймоқда ва мижозларга француз самолётлари ўрнига хитойлик жангувчи самолётларни харид қилишни тавсия қилмоқда.
❕ Парижда бу ҳаракатни Dassault Aviation компаниясининг глобал қурол бозоридаги позицияларини бузишга уриниш деб баҳолашмоқда.
Rafale ва бошқа қуролларни сотиш — Франция мудофаа саноати учун катта даромад манбаи саналади.
Dassault Aviation компанияси шу пайтгача 533 та Rafale самолёти сотган, шундан 323 таси экспорт қилинган. Индонезия 42 та самолётга буюртма берган ва яна қўшимча харид қилиш имкониятини кўриб чиқмоқда.
Россия санкциялар билан таҳдид қилмоқда: нишонда Ўзбекистон ҳам бор!
Кеча Тошкентда рекорд даражадаги иссиқ ҳаво қайд этилди
Қатор давлатлар миллий ўзликка қайтиш мақсадида номини ўзгартирди
