"Барселона" бош мураббийи Хави Эрнандес уч ўйинга дисквалификация қилиниши мумкин. Бу ҳақда Diario Sport хабар бермоқда.
Эслатиб ўтамиз, испаниялик мутахассис "Атлетико" билан Ла Лиганинг сўнгги учрашувида (3:0) қизил карточка олганди. Хавининг ўзи имо-ишоралари учун четлатилганини айтди.
Манбага кўра, агар Хави дисквалификация қилинса, "Барселона" бу қарор устидан шикоят қилмайди, чунки клуб буни вақтни беҳуда сарфлаш деб ҳисобламоқда.
29-турдан кейин “Барселона” 64 очко билан Ла Лига турнир жадвалида иккинчи ўринда бормоқда.
