Хабарларга кўра, жамғарма Бош вазир Никол Пашинян партиясининг парламент сайловларидаги ғалабасидан сўнг Арманистонга 25 миллион доллардан ортиқ маблағ ажратилишини маъқуллади.
ХВЖ сайтида хабар берилишича, жамғарманинг Ижроия кенгаши республика билан захира кредити (SBA) тўғрисидаги келишув доирасидаги биринчи шарҳни якунлади. Бу Ереванга 18,4 миллион SDR (махсус қарз олиш ҳуқуқлари) эквивалентидаги маблағдан фойдаланиш имкониятини беради, бу эса тахминан 25,1 миллион долларни ташкил этади.
Келишув бўйича умумий маблағ ҳажми 36,8 миллион супер-валютага (тахминан 50,2 миллион доллар) етди. Ушбу келишув ХВЖ кенгаши томонидан 2025 йил 1 декабрда маъқулланган эди. Арманистон ҳукумати ундан эҳтиёт чораси сифатида фойдаланишда давом этмоқда — бу кредит дастурининг шундай мақомики, унда иштирокчи давлат келишилган суммани олиш ҳуқуқига эга, лекин буни амалга оширишга мажбур эмас ва ундан воз кечиши ҳам мумкин, дейилади хабарларда.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Ўзбекистон – Нидерландия ўртоқлик ўйини Нью-Йоркда бўлиб ўтади
