Халқаро Космик Станцияда қолиб кетган астронавтлар 2025 йилда Ерга қайтади

"Илон Маскнинг SpaceX Dragon космик кемаси 2025 йилнинг февралида америкалик астронавтларни Ерга олиб тушиши кутилмоқда", дея хабар берди NASA.

61 ёшли Сунита Уилямс ва 58 ёшли Барри Уилмор SpaceX компаниясининг рақобатчиси Boeing компаниясининг Starliner космик кемасининг бузилгани туфайли ХКСда режалаштирилган 8 кун ўрнига икки ой қолиб кетди. Бу Boeing'нинг илк бор экипаж билан парвоз қилиши эди. Компания кемани NASA учун ишлаб чиққан ва унга 1,6 миллиард доллар сарфлаган.

Умумий ҳисобда, Уилямс ва Уилмор орбитада 8 ой вақт ўтказишлари керак бўлади. ХКСда озиқ-овқат ва сув захиралари етарлича экани айтилмоқда. Астронавтлар қайтиш муддати ўзгарганидан рози эканликларини, бу муддат ичида илмий иш билан шуғулланишни режалаштираётганларини айтишган. Қайд этилишича, космонавтлар синов парвози хавф-хатарларини тушунишган ва аввал ҳам коинотда бўлишган.