Халқаро коинот станциясининг сув ости муқобили ишлаб чиқилади

Денгиз технологиялари соҳасидаги тадқиқотлари ва ишланмалари билан танилган Буюк британиянинг Deep компанияси Sentinel тадқиқот базаси лойиҳасини – Халқаро коинот станциясининг сув ости муқобилини тақдим этди.

У океандаги барча тирик организмларнинг энг юқори концентрацияси – 90 фоизгача бўлган эпипелагик зонада, тахминан 200 метр чуқурликда қурилади.

Ҳозирда лойиҳа фаол техник лойиҳалаш ва ишлаб чиқишга киришиш босқичида. Мавжуд сув ости станциялари билан солиштирганда (одатда вақтинчалик ва доимий), Sentinel олдинга қўйилган сезиларли қадамдир. У бутунлай автоном, модулли тузилишга эга бўлиб, унинг ҳажмини ошириш, қайта қуриш, пайдо бўладиган вазифаларга қараб конфигурацияни ўзгартириш имконини беради.

Sentinelга сув ости кемалари ёрдамида етиб бориш мумкин. Унда ишлаётган олимлар учун энг қулай шароит яратилади. Уларда умумий жойларга туташ тадқиқот лабораториялари, бир кишилик каравотли кичик ётоқхоналар ва кўнгилочар майдонлар бўлади. Ҳаммом ва ҳожатхона бўлади.

Станция 2027 йилда фойдаланишга топширилгунга қадар яна кўплаб техник муаммоларни ҳал қилиш талаб этилади. Хусусан, улкан босим шароитида тизимнинг барқарорлигини таъминлаш, зарур миқдорда кислород ва электр энергиясини етказиб бериш лозим.

Sentinel қайта тикланувчи энергия манбаидан қувват олади, чиқиндиларни қайта ишлаш учун кучли биореактор ўрнатилади, деб хабар беради techcult.ru.