WSJ: АҚШ Эрон таҳдиди туфайли Британиядаги яна бир авиабазадан самолётларни олиб чиқди

The Wall Street Journal маълумотига кўра, АҚШ ҳарбийлари Эрон томонидан келиши мумкин бўлган таҳдид фонида Британиядаги Милденҳолл ҳарбий-ҳаво базасидан бир қатор самолётларни бошқа жойларга кўчирган.
Аввал базага жойлаштирилган икки америкалик ҳаво ёқилғи қуйиш самолёти Германияга йўналтирилган. Кейинчалик яна бир нечта ёқилғи қуйиш самолёти ҳам Германия ва бошқа жойларга кўчирилган.

Нашрга кўра, АҚШ расмийлари Милденҳолл базасига нисбатан таҳдиднинг аниқ хусусиятини ҳали муҳокама қилмоқда.
Қарор Британиядаги Фэрфорд авиабазасида Эрон билан боғлиқ деб тахмин қилинган ҳодисадан бир неча ҳафта ўтиб қабул қилинди. Ўша воқеадан кейин ҳам АҚШ бомбардимончи самолётлари базадан олиб чиқилган эди.