Wikipedia онлайн энциклопедияси фаолият бошлаганига 25 йил тўлди (2001 йил 15 январда ишга туширилган). Шу муносабат билан Wikimedia фонди лойиҳанинг чорак асрлик тарихида энг кўп ўқилган инглиз тилидаги мақолалар рўйхатини (топ-25) тақдим этди. Рейтинг Popular Science порталида эълон қилинди. Гарчи маълумотлар 2008 йилдан кейинги статистикани қамраб олса-да, фойдаланувчиларнинг узоқ йиллик танловларини акс эттиради.
Машҳурларнинг йиллар бўйича ўлимлари рўйхати келтирилган мақола — Wikipediaда энг кўп кўрилган мақола, уни 647 миллион мартадан ортиқ кўришган. Иккинчи ўринда — АҚШга бағишланган мақола (328 млн марта), учинчи ўринда — Доналд Трамп саҳифаси (325 млн марта).
Қиролича Елизавета II (253 млн) ва Ҳиндистон (210 млн) ҳақидаги мақола — топ-5 да.
Ўнталикка эса футбол юлдузи Криштиану Роналду, АҚШ собиқ президенти Барак Обама, миллиардер Илон Маск, Иккинчи жаҳон уруши ва Буюк Британия ҳақидаги мақолалар кирди.
Иккинчи ўнлик асосан таниқли шахсларни ўз ичига олган: Лионел Месси, Майкл Жексон, Адолф Гитлер, Эминем, Тейлор Свифт, The Beatles гуруҳи ва Дуэйн Жонсон ҳақидаги мақолалар. Шунингдек, «Тахтлар ўйини» сериали, Биринчи жаҳон уруши, АҚШ президентлари рўйхати йигирматаликда.
Сўнгги бешлик эса қуйидагилар: Канада, «Оскар» мукофоти, Леди Гага, Фредди Меркюри ҳамда тарихдаги энг кассабоп филмлар рўйхати.
Wikipediaда жами 300 тилда 65 миллиондан ортиқ мақола мавжуд.
"Орешник" зарбаси Ғарб учун сигнал бўлди
Эрон Starlinkни блоклашга муваффақ бўлди
Уч давлат АҚШни Эронга ҳужум қилмасликка кўндиришга ҳаракат қилмоқда
