Дания Арктика қўмондонлиги раҳбари генерал-майор Сорен Андерсен АҚШ президенти Дональд Трампнинг Гренландия яқинида Россия ва Хитой кемаларининг борлиги ҳақидаги даъволарини рад этди.
Бу ҳақда Reuters ахборот агентлиги хабар берди.
"Биз Гренландия атрофида бирон бир Россия ёки Хитой кемасини кўрмаяпмиз... Хитой ва Россия кемалари Шимолий Муз океанида, лекин Гренландия яқинида эмас", деб таъкидлади у.
Генерал Андерсен АҚШни бу йил оролда режалаштирилган машқларга қўшилишга таклиф қилганини қўшимча қилди. Унинг аниқлик киритишича, Вашингтон ҳали таклифга жавоб бермаган.
Дональд Трамп Гренландиянинг АҚШ хавфсизлиги учун стратегик аҳамиятини бир неча бор таъкидлаган. Бунга жавобан Европа мамлакатлари оролда ўз ҳарбий иштирокини кучайтиришга қарор қилишди: Франция 15 та, Германия 13 та ва Финляндия иккита аскар юборди. Гренландияни ўз ичига олган Дания ҳам қўшинларни жойлаштиришини эълон қилди.
"Орешник" зарбаси Ғарб учун сигнал бўлди
Эрон Starlinkни блоклашга муваффақ бўлди
Уч давлат АҚШни Эронга ҳужум қилмасликка кўндиришга ҳаракат қилмоқда
