Венесуэланинг вақтинча президенти Мадуродан ҳам қимматроқ нарх тўлаши мумкин

Агар Венесуэланинг вақтинча президенти Делси Родригес АҚШ билан ҳамкорлик қилишдан бош тортса, Мадуродан ҳам қимматроқ нарх тўлайди — Доналд Трамп.

АҚШ президенти Родригес “Вашингтон истагандай иш тутса”, Венесуэлада АҚШ ҳарбий иштироки керак бўлмаслигини билдирган.

АҚШ махсус бўлинмалари Каракасда президент Николас Мадуро ва унинг рафиқаси Силия Флоресни қўлга олиб, Венесуэладан олиб чиқиб кетгач, Венесуэла Олий суди мамлакат вице-президенти Делси Родригесни давлатнинг вақтинча раҳбари этиб тайинлади.

Доналд Трамп Делси Родригес АҚШ билан ҳамкорлик қилишга тайёр эканини билдирганини ҳам айтган. Венесуэланинг вақтинча президенти давлат телеканали орқали чиқиш қилиб, Николас Мадурони мамлакатнинг ягона қонуний президенти деб атаган.