Венесуэладаги зилзилалар қурбонлари сони 4800 нафардан ошди

Венесуэладаги даҳшатли зилзила қурбонлари сони 4829 кишига етди.

Бу ҳақда Миллий Ассамблея (парламент) спикери Хорхе Родригес эълон қилди.

Ҳукуматнинг кундалик ҳисоботига кўра, 16 740 киши турли даражадаги жароҳатлар олган, яна 17 907 киши уйсиз қолган. 190 та иншоот бутунлай вайрон бўлган, 856 таси эса жиддий зарар кўрган.

Қидирув-қутқарув ишлари натижасида 6462 киши қутқарилган ва 34 872 киши касалхоналарда тиббий ёрдам олган. 128 324 оилага ёрдам кўрсатилган, 20 857 киши 106 та вақтинчалик бошпаналарга жойлаштирилган ва жабрланган аҳолига 10 063 тонна озиқ-овқат етказиб берилган.

24 июнь куни кечқурун Венесуэлада зилзилалар қайд этилган. Тахминан 40 сония оралиғида 7,2 ва 7,5 магнитудали иккита сейсмик силкиниш содир бўлган. Иккала зилзила эпицентрлари Ярасуй штатида бир-биридан 10 километр узоқликда жойлашган эди. Асосий зилзиладан сўнг 1284 та афтершок қайд этилди.