Венесуэла Миллий Ассамблеяси раиси Хорхе Родригес кетма-кет юз берган 7,2 ва 7,5 балли зилзилаларнинг қурбонлари сони 20 кишига кўпайиб, 1450 нафарга етганини маълум қилди. Унинг қўшимча қилишича, 3150 киши жароҳатланган, 12 721 киши уй-жойини тарк этишга мажбур бўлган ва камида 774 та бино вайрон бўлган.
Мамлакатнинг энг кўп зарар кўрган Ла-Гуайра штатига хорижий қутқарув гуруҳлари етиб келмоқда. Reuters'нинг ёзишича, Каракасдан тахминан 40 км шимолда жойлашган ушбу штатда ўнлаб бинолар вайрон бўлиб, қум ва вайроналар уюмига айланган.
2600 дан ортиқ хорижий қутқарувчилар етиб келгунига қадар маҳаллий аҳоли ва кўнгиллилар кунлаб вайроналар остидан омон қолганлар ва жасадларни олиб чиқди. Улар кўпинча оғир техника етишмаслиги ва расмийларнинг камлигидан шикоят қилишди. Шу билан бирга юзлаб афтершоклар зарарни янада кучайтирди ва аҳолини хавотирда ушлаб турди.
Шу дам олиш кунларида ҳукумат шанба оқшомига қадар камида 33 киши, жумладан бир нечта болалар қутқарилганини, бироқ ўн минглаб одамлар ҳамон бедарак йўқолганлар рўйхатида қолаётганини маълум қилди.
Ҳукумат юзлаб одамлар бедарак йўқолган ёки қолиб кетган деган рақамларни келтирган. Аммо мамлакат сиёсий мухолифати веб-сайтида 50 мингга яқин одам бедарак йўқолганлар рўйхатига киритилган.
АҚШ Геология хизмати 7.2 ва 7.5 магнитудали зилзилалар оқибатида қурбонлар сони 10 000 дан ошиши мумкинлигини тахмин қилди. Бу эса ушбу офатни Лотин Америкасида сўнгги асрдаги энг кўп қурбон келтирган зилзилалар сирасига киритади.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
