Венесуэладаги зилзила қурбонлари сони 4500 нафардан ошди

Венесуэладаги вайронкор зилзилалар 4561 кишининг ҳаётига зомин бўлди ва 16740 киши жароҳат олди.

Бу ҳақда Боливар Республикаси Миллий Ассамблеяси президенти Хорхе Родригес янгиланган маълумотларни тақдим этди.

Унинг сўзларига кўра, 17 907 киши бошпанасиз қолди, 190 та бино бутунлай вайрон бўлди ва 856 киши жиддий зарар кўрди. Қидирув-қутқарув операциялари натижасида 6462 киши қутқарилди, 33 085 киши тиббий муассасаларда даволанди. 128 324 оилага ёрдам кўрсатилди, 20 231 киши 107 та вақтинчалик лагерларга жойлаштирилди ва жабрланганларга 10 063 тонна озиқ-овқат тарқатилди.

Эслатиб ўтамиз, 25 июнь кечаси Венесуела шимолида 39 сония оралиғида 7,2 ва 7,5 магнитудали иккита зилзила содир бўлди. Бирлашган Миллатлар Ташкилотининг Тараққиёт Дастури фалокатдан етказилган зарар тахминан 6,7 миллиард долларни ташкил этганини тахмин қилмоқда. Қидирув-қутқарув операциялари давом этмоқда.