Венесуэладаги RV-1 тадқиқот реакторида ишлаб чиқарилган барча бойитилган уранни АҚШ олиб чиқиб кетди

Венесуэладаги RV-1 реактори фойдаланишдан чиқарилди, у ерда сақланган барча бойитилган уран эса мамлакатдан олиб чиқиб кетилди

Бу ҳақда АҚШ Миллий ядро хавфсизлиги бошқармаси (NNSA) хабар берди.

Баёнотда айтилишича, эскирган ядро иншооти рекорд даражадаги қисқа вақт ичида фойдаланишдан чиқарилган.

Ядровий тадқиқотлар олиб борилган РВ-1 реактори 1991 йилда тўхтатилган, аммо у ерда бойитилган уран захиралари сақланиб қолган. Америкалик ва венесуэлалик мутахассислар, шунингдек, МАГАТЕ экспертларидан иборат жамоа олти ҳафта ичида 13,5 кг уранни ажратиб олди ва уни ишлатилган ядро ёқилғиси учун контейнерга жойлаштирди.

Контейнер 160 км қуруқлик бўйлаб портга етказилди ва у ерда Британиянинг Nuclear Transport Solutions компанияси томонидан тақдим этилган махсус кемага юкланди. Май ойи бошида юк АҚШга етиб келди ва қайта ишлаш ва қайта фойдаланиш учун Саванна-Ривер (Жанубий Каролина) ядро мажмуаси ҳудудига етказилди, дейилади баёнотда.