Венесуэла президенти Николас Мадуро Буюк Британия бош вазири Кир Стармернинг урушга тайёргарлик ҳақидаги баёнотини ақлдан озган деб атади ва Европада урушга қарши ҳаракат яратишни таклиф қилди. Бу ҳақда сиёсатчи Venezolana de Televisión телеканалидаги "Мадуро билан+" кўрсатуви эфирида айтиб ўтди.
"Мен Британия халқини, Лондон аҳолисини, Ливерпулни ва Британиянинг барча қисмларини ўз Бош вазирининг урушга чақирган бу умидсиз ва ақлдан озган чақириғига жавоб беришга чақираман", деди у.
Бундан ташқари, Мадуро бундай таклифлар биринчи навбатда ўз таъсирини йўқотган Европа элитасидан келаётганини таъкидлади. Сиёсатчининг фикрича, давлатлар ўртасидаги можаролар учун қурол ишлаб чиқаришдан пул топадиган бизнес ҳам муҳим ўйинчи ҳисобланади.
"Менимча, Кир Стармер бутунлай таназзулга учраган, эскирган элита ва улар қурол ишлаб чиқариш билан шуғулланадиган бизнес номидан гапиради", деди Мадуро.
Венесуэла раҳбари Европа давлатларига Британия бош вазири чақираётган урушга қарши кучли ижтимоий, халқчил, антимилитарист ҳаракатни яратишга чақирди.
Эслатиб ўтамиз, 2 июнь куни Кир Стармер Британия янги мудофаа стратегиясига кўра, "урушга тайёрлик" режимига ўтаётганини эълон қилган эди. Кейин у мамлакат қуролли кучларига "уруш тезлигида" инновацияларни жорий этиш ниятида эканини таъкидлади.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
