Венадаги террор иши бўйича ҳибсга олинган 14 киши орасида Чеченистон фуқаролари ҳам бор. Бу ҳақда Рамблер Aвстрия Ички ишлар вазири Карл Нехаммер баёнотига асосланиб хабар бермоқда.
Россия элчихонаси ушбу шимолий кавказликларнинг Россия фуқаролигига эга ёки йўқлигини текширмоқда, деб ёзади РИA Новости.
Шунингдек, Aвстрия, Бангладеш, Шимолий Македония ва Туркия паспортига эга бўлган йигитлар Венадаги ибодатхона яқинида тўрт кишини отиб ўлдирган экстремистга ёрдам беришда гумон қилиниб ҳибсга олинган.
Бир киши томонидан амалга оширилгани айтилган бир қатор терактлар 2 ноябрь куни Aвстрия пойтахтида содир бўлди. Aввалроқ Суриядан келган жиҳодчиларга содиқлик ҳақида қасамёд қилган йигитни полиция ўлдирган.