АҚШ президенти Доналд Трамп Россия ва шахсан Россия президенти Владимир Путиннинг ҳаракатларидан норози . Бу ҳақда Fox News журналисти Жеки Гейнрих музокаралар боришидан хабардор манбага таяниб хабар берди.
Унинг сўзларига кўра, Оқ уй чекловларни четлаб ўтиб, нефтни ташувчи Россиянинг "соя флоти"га қарши "агрессив санкциялардан фойдаланиш" имкониятини муҳокама қилмоқда .
"Санкцияларни қўллаш ҳозирда жуда заиф, 10 баллдан 3 балл билан баҳоланмоқда", деб ёзади Гейнрих. Унинг қўшимча қилишича, Болтиқбўйи орқали ноқонуний таъминотни ушлаб қолиш Москвага босим ўтказиш учун “осон нишонга” айланиши мумкин.
Оқ уй матбуот котиби Керолин Леавитт Трампнинг Путиндан ҳам, Украина президенти Владимир Зеленскийдан ҳам кўнгли қолганини тасдиқлади.
"Трамп иккала етакчидан ҳафсаласи пир бўлди. У уруш тугашини истайди. Икки томондан одамлар ўлмоқда ва бу жуда узоқ давом этмоқда", - деди Левитт.
Унинг қўшимча қилишича, Қўшма Штатлар Россия ва Украина билан алоқаларни давом эттирмоқда. Трамп ечим топиш жараёнида “ҳар куни фаол иштирок этмоқда”, деди у.
Аввалроқ, 30-март куни Трамп агар Москва ўт очишни тўхтатиш келишувини бузса, Россия нефт экспортига 25 фоизлик иккиламчи божлар жорий этиши ҳақида огоҳлантирган эди.
У, шунингдек, Путиннинг Зеленскийнинг қонунийлигига шубҳа туғдирувчи баёнотларидан норозилигини билдирди. Трампнинг сўзларига кўра, бундай чиқишлар “нотўғри йўлга олиб боради”.
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
Эндиликда 11,25 млн сўмдан юқори пул ўтказмалари қатъий назоратда бўлади
