Россия Украина қўшинларининг Курск вилоятида таслим бўлишини узоқ кутиш ниятида эмас. Бу ҳақда Кремль матбуот котиби Дмитрий Песков маълум қилди ва у украиналик аскарларнинг қуролларини ташлаб қўйиш таклифи кучда қолаётганини, аммо "вақт тугаб бораётганини" таъкидлади.
Москва Украина қўшинлари Курск вилоятида қуршаб олинганини даъво қилмоқда. Бунга жавобан АҚШ президенти Доналд Трамп Владимир Путинга раҳм-шафқат кўрсатишни сўради. Кремль Киевга ултиматум қўйиб, Украина расмийларидан ўз қўшинларига қуролларни ташлаб, таслим бўлишга буйруқ беришни талаб қилди.
Украина президенти Владимир Зеленский оғир вазият ва Украина Қуролли кучларининг Курск вилоятидан чекиниши мумкинлигини билвосита тасдиқлади.
“Курск вилоятидаги вазият, албатта, жуда қийин. Курск операциясининг мақсади қўшинларни Покровскдан, Харков йўналишидан ва Сумидан узоқлаштириш эди. Йигитларимиз мутлақ қаҳрамонлик кўрсатишди, шундай кучли зарба беришди”, — деди у.
Бир кун аввал, 14 март куни Хавфсизлик кенгашининг доимий аъзолари билан бўлиб ўтган тезкор йиғилишда Путин Украина Қуролли кучлари аскарлари қуролларини ташлаб, таслим бўлишса, уларга “ҳаёт ва муносиб муомала” кафолатланишини айтди.
"Кўринмас" рус дронлари Украина артиллериясини мазах қилмоқда
Хитой Австралияни ўраб олди
Иккиланмай зарба берамиз: АҚШ Россияга очиқ таҳдид қилди!
