“Ўзбекконцерт” хонанда Шаҳло Аҳмедова уятсиз клипи учун лицензиясидан айрилди

Хонанда Шаҳло Аҳмедова “Ўзбекконцерт” давлат муассасасининг бир неча бор огоҳлантиришига қарамай “Летние дожди” деб номланган қўшиғига ишланган видеоклип ижтимоий тармоқлар орқали намойиш этилаётгани учун лицензиясидан маҳрум қилинди.
 
Хонанда Шаҳло Аҳмедованинг “Летние дожди” деб номланган видеоклипида миллий маънавиятга ёт бўлган, томошабинларнинг эътиборини жалб этиш учун ўзбек халқи менталитетига зид, шарқона одоб-аҳлоқ меъёрларига тўғри келмайдиган ҳаракатлардан ҳам тап тортмай, йигит ва қизнинг ишқий кечинмаларини очиқ-ошкора ифода этиб, буни андишасизларча тасвирга олиб кенг оммага намойиш этган.
 
“Шаҳло Аҳмедовага 2017 йил 11 июль куни берилган лийензия бугун, 13 ноябрь кунидан тугатилганлигини маълум қиламиз”, дейилади “Ўзбекконцерт” давлат муассаси хабарида.
 
Маълумот учун, 2018 йилнинг февраль ойидан бошлаб “Ўзбекконцерт” давлат муассасаси қошида қўшиқлар ва уларга ишланган видеоклиплар савиясини баҳолаш Бадиий Кенгаши  мана бир неча ойдан бери ўз фаолиятини давом эттириб келяпти.

Qalampir.uz