Мактабгача таълим вазирлигининг «Дарё» сўровига берган жавобига кўра, Ўзбекистондаги мактабгача таълим ташкилотлари ёпилмайди ва одатдагидек ўз иш фаолиятини давом эттиради.
«Боғчаларни ёпиш ҳозирча режалаштирилмаган. Агар бирор-бир боғчада коронавирус аниқланса, ўша боғчанинг ўзини карантинга олиш белгиланган», — деяди вазирлик матбуот хизмати хабарида.
Таъкидланишича, Республика махсус комиссияси мактабгача таълим ташкилотларининг ҳам фаолиятини вақтинча тўхтатиб туриш бўйича қарор қабул қилсагина, боғчалар ёпилиши мумкин.