Ўзбекистонда 17 киши хориждаги халқаро террорчилик ташкилоти сафига қўшилишни режалаштиргани аниқланди. Бу ҳақда ИИВ матбуот хизмати хабар берди.
Ўзбекистон ИИВ-ДХХ ходимлари томонидан ҳамкорликда олиб борилган тезкор суриштирувлар давомида, 2007 йилда Тошкент вилоятида туғилган К.I. интернет тармоғида экстремистик ғоялар таъсирига тушиши натижасида 16 нафар яқин танишлари билан ноқонуний “жамоат” бўлиб йиғилиб, келгусида хорижда фаолият олиб бораётган “Ислом давлати” халқаро террорчилик ташкилотлари сафига қўшилишни режалаштиргани аниқланган.
Мазкур ҳолат юзасидан Жиноят кодексининг 244-моддаси билан жиноят иши қўзғатилди.
“Лоқайдлик ва ишонувчанлик оқибатида интернет тармоғи орқали ёт ғоялар таъсирига тушиб қолмаслик учун фуқароларимизни доимо огоҳ бўлишига чақирамиз. Ўзингизнинг тақдирингизга бефарқ бўлманг”, дейилади ИИВ хабарида.
Собиқ ДХХ раиси қаерда ишлаши маълум қилинди
Қобул Дўсовга ҳукм ўқилди
«Биз болаларни ер юзидаги дўзахда ҳалок бўлишга ҳукм қиламиз”
