Ўзбекистонда 11 июлдан IELTS имтиҳонини қоғозда топшириш тўхтатилади

Бу ҳақда IDP тест маркази маълум қилди.

Унга кўра, 10 июль кунига режалаштирилган қоғоз (paper-based) имтиҳонлар режадагидек ўтказилади, бироқ 11 июлдан бошлаб фақат компьютерда (computer-based) имтиҳон топшириш мумкин бўлади.

“British Council” эса ҳозирча бу ҳақда эълон қилмаган. Бироқ унда ҳам қоғоз вариантдаги имтиҳон учун рўйхатдан ўтиш ёпиб қўйилган.

Аввалроқ Ўзбекистонда IELTS имтиҳонида тушадиган саволлар тўплами “тарқалиб кетгани“ ва бундай ҳолатлар кескин ортгани ҳақидаги хабарлар ортидан 7 июнь куни имтиҳон топширган номзодларнинг натижалари қайта текшириш учун олиб қолинган эди.