Ўзбекистон терма жамоасининг ноябрдаги ўйинлари вақти маълум бўлди

Ўзбекистон миллий терма жамоаси ноябрь ойидаги ФИФА кунлари доирасида иккита ўртоқлик учрашувида майдонга тушади. Фабио Каннаваро бошчилигидаги жамоамизнинг рақиблари, ўйин саналари ва бошланиш вақтлари маълум қилинди.

Дастлаб "Оқ бўрилар" 12 ноябрь куни Россия терма жамоасини қабул қилади. Тошкентдаги "Пахтакор" стадионида ўтадиган баҳс соат 20:00 да старт олади.

Орадан беш кун ўтиб, 17 ноябрда футболчиларимиз Қатар пойтахти Доҳада Саудия Арабистонига қарши куч синашади. Ушбу учрашув Тошкент вақти билан 20:30 да бошланади.

Ўртоқлик учрашувлари:

12 ноябрь, 20:00. Ўзбекистон – Россия

17 ноябрь, 20:30. Ўзбекистон – Саудия Арабистони