Ўзбекистон терма жамоаси футболчилари Эронда пешқадамлар ўйини тақдирини ҳал қилди

Эрон чемпионати 17-турида "Персеполис" турнир жадвали пешқадами "Сепахон"ни мағлуб этди - 2:1.

Ўйин тақдирини ҳал қилган голларни Ўзбекистон миллий терма жамоаси аъзолари киритди.

53-дақиқада Остон Ўрунов ҳисобни очган бўлса, 72-дақиқада Игорь Сергеев айнан Ўруновнинг узатмасидан унумли фойдаланди.

90+5-дақиқада Сергеев рақибига нисбатан жиддий қўполлик ишлатгани учун майдондан четлатилди.

"Персеполис" 31 очко билан чемпионат етакчисига айланди. "Сепахон" худди шунча очко билан 2-ўринда.

Эрон чемпионати. 17-тур
Персеполис - Сепахон - 2:1
Голлар: 53' 1:0 - Остон Ўрунов (Милод Муҳаммади), 72' 2:0 - Игорь Сергеев (Остон Ўрунов), 90+13' 2:1 - Рикардо Алвес (пенальтидан)