Жанубий Кореяда бўлиб турган ватандошларимизга муқаддас Ислом динининг асл моҳияти тўғрисида маълумотлар бериш ва уларнинг диний-маърифий саводхонлигини янада ошириш мақсадида бугун Ўзбекистон мусулмонлари идораси раиси, муфтий Нуриддин Холиқназаровнинг Жанубий Кореяга амалий ташрифи бошланди, деб хабар қилмоқда "Дунё" АА мухбири.
Ташриф дастурига кўра, Корея Мусулмонлар федерацияси (Korea Muslim Federation) раҳбарияти билан учрашув, Ўзбекистон мусулмонлари идораси билан Корея мусулмонлар федерацияси ўртасида ҳамкорлик тўғрисида меморандумни имзолаш, ушбу мамлакатда истиқомат қилаётган ватандошлар учун диний-маърифий мавзуда маърузалар ташкил этиш режалаштирилган.
Қайд этиш керакки, бу Ўзбекиcтон мусулмонлари идораси раисининг Жанубий Кореяга илк ташрифидир.
Муфтий Нуриддин Холиқназаров ҳазратларининг Жанубий Кореяга ташрифи 18 апрелга қадар давом этади.
Дронлар Россиянинг энг йирик нефтни қайта ишлаш заводига ҳужум қилди
Украина Россияни «қуроллантирмоқда»
Столтенберг: “Агар Украина урушда ютқазса..."
