Уйқудаги Трамп!

АҚШ Президенти Дональд Трампнинг Оқ уйдаги йиғилиш пайтида кўзларини юмган ҳолдаги суратлари ижтимоий тармоқларда тарқалди.

CNNнинг хабар беришича, дам олиш кунлари ижтимоий тармоқларда Трампнинг Оқ уйда ўтган тадбирда кўзларини юмган ҳолда ўтирган суратлари кенг тарқалди.

Президент ўша куни машҳур озиш дори воситаларининг нархи пасайтирилгани ҳақидаги эълон маросимида иштирок этган.

Нашр ёзишича, “баъзи лавҳаларда Трампнинг кўзлари бутунлай юмилган, бошқаларида эса уни очиқ тутишда қийналаётгандек кўринган”. Шу сабабли у йиғилиш пайтида ухлаб қолгани ҳақидаги фикрлар тарқалган.

Калифорния губернатори ва Президентнинг сиёсий рақиби Гэвин Ньюсомнинг матбуот хизмати суратларни “Уйқучи Дон қайтди” деган ёзув билан эълон қилди.

Бу танқидларга жавобан Оқ уй вакили Тейлор Рожерс Трамп ухламаганини таъкидлади: “Президент бутун тадбир давомида фаол иштирок этган, сўзлаган ва журналистларнинг саволларига жавоб берган.