Бу ҳақда Reuters агентлиги манбаларига таяниб хабар бермоқда.
Болтиқ бўйидаги Россиянинг энг йирик нефт экспорт қилиш портлари — Уст-Луга ва Приморск Украина дронларининг бир қатор зарбаларидан сўнг иккинчи ҳафта давомида ёқилғи қабул қилиш ва жўнатиш имкониятига эга эмас.
Маълумотларга кўра, ҳужумлар март ойининг сўнгги икки ҳафтаси давомида давом этган ва порт инфратузилмасига жиддий зарар етказган. Биргина Усть-Лугага ўн кун ичида камида бешта зарба берилган. Натижада нефтни қайта ишлаш заводлари экспорт учун муқобил йўлларни, жумладан, қимматроқ бўлган темир йўл ташувларини излашга мажбур бўляпти.
Агентлик суҳбатдошларининг қайд этишича, 22 мартдан бери Приморск экспорт учун дизель ёқилғисини қабул қилишни амалда тўхтатган. Бу Россиянинг Европа қисми ва Сибирдаги нефтни қайта ишлаш заводларини асосий экспорт йўналишларидан биридан маҳрум қилди.
Эрон Трампнинг Ҳўрмуз бўғозини очиш бўйича ултиматумига жавоб қайтарди
Эрон Ҳўрмуз бўғозининг «калитларини йўқотиб қўйди»
Эрон уламолари Хоманаийдан атом бомба ясашга рухсат беришни сўради
