Украинага ажратилган янги ҳарбий ёрдам пакетидан нималар жой олган?

Украинага ажратилган янги ҳарбий ёрдам пакетига катта миқдордаги артиллерия ўқ-дорилари, ракета тизимлари ва ҳаво ҳимоя воситалари киритилган

АҚШ Украинага антидрон тизимлари, HIMARS тизими учун ракеталар ва пиёдага қарши миналар юборишни режалаштирмоқда. Аввалроқ, Америка ҳарбий ёрдам пакетининг янги таркибига Stinger кўчма ҳаво ҳимоя тизимлари учун ўқ-дорилар ҳам кириши ҳақида хабар қилинган эди. Ушбу пакет Россия армиясининг ҳужумларини тўхтатишда Украина қуролли кучларига ёрдам бериш учун мўлжалланган.

Шунингдек, АҚШ президентининг миллий хавфсизлик бўйича маслаҳатчиси Жейк Салливан, ҳозирги маъмурият ваколат муддати якунлангунга қадар Россияга қарши янги санкцияларни жорий этишни режалаштираётганини маълум қилди.