Украинадаги уруш Россияга жуда қимматга тушяпти

Россия Украинадаги урушни тўхтамоқчи эмас — АҚШ президенти.

Доналд Трампнинг таъкидлашича, Москва Украинадаги можарони тўхтиши истамаяпти ва айнан шу сабабдан Будапештда Владимир Путин билан ўтказилиши режалаштирилган саммит бекор қилинган. АҚШ президенти бу ҳақда Оқ уйда Венгрия бош вазири Виктор Орбан билан учрашуви чоғида айтди.

"Можаронинг моҳияти шунда, россияликлар шунчаки тўхтамоқчи эмас. Менимча, улар барибир тўхтайди, чунки бу уруш Россияга жуда қимматга тушяпти", — деди Оқ уй раҳбари.

Журналистларнинг келажакда Путин билан учрашув ўтказилиши эҳтимоли ҳақида саволига, Трамп "Бунинг учун имконият ҳар доим бор", деб жавоб берди.

Шунингдек, президент бу уруш якунига яқинлашаётганини, аммо Украинанинг ғалабаси учун “мўъжиза керак бўлишини” айтиб ўтди.