Украинадаги уруш фонида ҳинд атиргул саноати кутилмаган юксалди. Гап шундаки, Европа мамлакатлари энергия тежаш туфайли қишда гул етиштиришдан деярли воз кечишди.
Ҳиндистон гулчилари 14 февраль, севишганлар кунигача атиргул савдоси икки баравар ошишини кутмоқда, голландиялик гулчилар эса Украинадаги уруш оқибатлари туфайли ишлаб чиқаришни тўхтатишга қарор қилишди.
Расмий маълумотларга кўра, 2022 йил ноябрида чет элда атиргуллар савдоси 2021 йил ноябрига нисбатан икки баравар кўпайган. Саноат пандемия туфайли йўқотишлардан тезда тикланмоқда.