Украина шарқидаги Покровск шаҳридан тинч аҳоли қочиб кетмоқда

Украина ҳукумати Россия армияси шаҳарга тобора яқинлашаётгани сабабли шарқий Покровск шаҳрини эвакуация қилиш ҳақида буйруқ берди.

Баъзи аҳоли аллақачон қочиб кетган, аммо сешанба куни эрталабгача 53 000 га яқин одам у ерда истиқомат қилаётгани қайд этилган.

Кўнгиллилар ёрдам олган шаҳар кексалари қаторида кичкина болалари ва қўлларида оғир чамадонлар бўлган ота-оналарни ҳам кўриш мумкин эди.

Покровск Украинанинг асосий мудофаа таянчларидан бири ва Донетск вилоятидаги асосий логистика марказидир.