Украина Россияга ҳудудий имтиёзларни бермайди

Украина ҳеч қандай битимларни, жумладан, Россияга ҳудудий имтиёзларни тақдим қилмайди ва тўлиқ тинчлик келишувига эришиш учун биринчи қадам сифатида ўт очишни тўхтатишни талаб қилади.

Financial Times нашрининг хабар беришича, бу ҳақда Оқ уйда бўлиб ўтган учрашувда Киевнинг Вашингтонга берган таклифлари акс этган ҳужжатда айтилган.

Қайд этилишича, Украина Россия билан тинчлик келишувидан кейин АҚШ хавфсизлик кафолати эвазига Европа томонидан молиялаштирилган 100 миллиард долларлик АҚШ қуролларини сотиб олиш мажбуриятини олади. Ҳужжатда Украина келишув доирасида қандай қуроллар сўрагани ҳақида аниқ маълумот йўқ, бироқ Киев ўз шаҳарлари ва муҳим инфратузилмасини ҳимоя қилиш учун АҚШнинг камида 10 дона Patriot зенит-ракета мажмуасини, шунингдек, бошқа ракета ва жиҳозларни сотиб олиш истагини аниқ билдирган.

Таклифларга кўра, Киев ва Вашингтон Украина компаниялари билан дронларни ишлаб чиқариш бўйича 50 миллиард долларлик шартнома ҳам тузади. Бироқ, дрон битимининг қайси қисми харидлар ва қайси қисми инвестициялар бўлиши аниқланмаган.

Украина ҳеч қандай келишувни, жумладан, Россияга ҳудудий имтиёзларни қабул қилмаслиги ва тўлиқ тинчлик келишувига эришиш учун биринчи қадам сифатида ўт очишни тўхтатишни таъкидламоқда. Киев, шунингдек, Москванинг Вашингтонга Украина қўшинлари қисман босиб олинган шарқий вилоятлардан Донецк ва Луганск вилоятларидан олиб чиқиб кетилган тақдирда фронт чизиғининг қолган қисмини музлатиш ҳақидаги таклифини рад этади. Бу “Россия қўшинларининг Днепрга қараб кейинги ва тез олдинга силжиши учун кўприклар”ни яратади ва Россия Федерациясига “бошқа воситалар ёрдамида тажовузкорлик мақсадларига эришишга” имкон беради”, дейилади ҳужжатда.