Украина Россия Паралимпия қўмитасига қарши санкциялар жорий қилди

Украина Президенти Владимир Зеленский учта Россия фуқароси ва иккита юридик шахсга қарши санкциялар жорий қилди.

Тегишли 60/2026-сонли фармон давлат раҳбарининг веб-сайтида эълон қилинди.

Чекловлар, хусусан, Паралимпия қўмитаси ва Россия киберспорт федерациясига тааллуқлидир.

"Улар орасида Россиянинг Украинага қарши тажовузини очиқчасига қўллаб-қувватлайдиган ва босқинчиларнинг ҳаракатларини маъқуллайдиган россиялик боксчи ва жангчи ҳам бор. Россия Паралимпия қўмитаси ва унинг президенти, шунингдек, Россия киберспорт федерацияси ва унинг президенти спорт майдонларидан Украинага қарши ривоятлар ва Россия тарғиботини тарқатиш учун фойдаланмоқда ва шу билан Россиянинг Украинага қарши қуролли тажовузини оқлашга ҳаракат қилмоқда", дейилади баёнотда.