Курск вилоятида Украина қўпорувчилик ва разведка гуруҳининг кириб келиши қайд этилган. Бу ҳақда вилоят губернатори вазифасини бажарувчи Алексей Смирнов маълум қилди. Унга кўра, воқеа 10 август куни Беловский туманида содир бўлган.
«Айни пайтда Беловский ва Обоянский туманларида ҳарбий тўқнашувлар кузатилмаган, чегарачилар ва ҳарбийлар чегарани қўриқламоқда. Бизнинг қўшинларимиз тинч аҳолини ҳимоя қилиш учун зарур бўлган барча ишларни қилмоқда», — деди у.
Аввалроқ Беловский тумани раҳбари Николай Волобуев «чегара ҳудудларидаги тушунарсиз лаҳзалар» ҳақида гапирган эди.
6 августдан бери Курск вилоятининг Украина билан чегарасида вазият кескинлигича қолмоқда. Россия Мудофаа вазирлиги Украина кучларининг Судженский туманидаги Россия позицияларига ҳужум қилгани ҳақида хабар берди.
РФ учун яна бир “бош оғриқ” пайдо бўлди
Дания АҚШ тажовузи бўлса, Россияга мурожаат қилишни таклиф қилди
Москва АҚШга "жавоб" ваъда қилмоқда
