Авдеевка қўлга киритилгандан сўнг, рус қўмондонлари ғалабадан сармаст бўлган ҳолда олдинга интилмоқда, аммо Украина Қуролли Кучлари янги мудофаа чизиғини яратди.
Бу ҳақда Bild таҳлилчиси Юлиан Репке ёзмоқда.
Унинг сўзларига кўра, Авдеевка қўлга киритилгач, Россия Донeцк вилоятининг маъмурий чегараларига етиб бориш учун ғарб томонга ҳаракатланишга уринмоқда, бироқ ҳозирча натижа бўлмаяпти. Украина қуролли кучлари Авдеевка ғарбидаги қишлоқларда мудофаа чизиғини ўрнатмоқдa.
Таҳлилчи мисол тариқасида рус қўшинларининг яқинда Авдеевкадан 2 км ғарбда жойлашган Ласточкино қишлоғига муваффақятсиз ҳужумини келтиради.
