Бугун 27 июль, 2024 йил, шанба

O'ZB

Украина мудофаа ҳолатида

Украина мудофаа ҳолатида

Украина Бош штаби сешанба куни эрталабки сўнгги ҳисоботида Донетск яқинида жойлашган Авдеевка ҳудудида шиддатли жанглар давом этаётганини маълум қилди.

Хабарда айтилишича, Россия армияси фаол ҳужум қилиб, минтақадаги асосий нуқта ҳисобланган Авдеевкадаги мустаҳкамланган ҳудудни ўраб олишга ҳаракат қилмоқда.

Бош штаб маълумотларига кўра, сўнгги 24 соат ичида украиналик ҳарбийлар 23 та ҳужумни муваффақиятли қайтарган.

Авдеевкадаги жанглардан ташқари, ҳисоботда Россия армиясининг шарқий фронтнинг бошқа тармоқларига фаол қарши ҳужумлари ҳам қайд этилган, хусусан, Бахмут ҳудудига 28 та ҳужум қайд этилган.

Бош штаб барча ҳужумлар муваффақиятли қайтарилганига ишонтирмоқда. Вазиятни таҳлил қилган ҳарбий блоггерлар ҳам Авдеевка ҳудудидаги рус қўшинларининг сезиларли олдинга силжиши ҳақида хабар бергани йўқ.

Киритилди: 13:05 28.11.2023. Ўқилди: 3901 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!