Европа Иттифоқи (ЕИ) жорий йил давомида Украинага йирик калибрли ўқ-дорилар етказиб беришни икки баравар оширишни режалаштирмоқда. Бу ҳақда ЕИ Ҳарбий қўмитаси раиси Роберт Бригер маълум қилди.
"Мақсад жорий йил давомида Украинага 2 млн дона йирик калибрли ўқ-дориларни етказиб беришдир. Яъни, гап ўтган йили етказиб берилган миқдорни икки баравар ошириш ҳақида кетмоқда," - деди у.
Бригернинг баёноти Европа Иттифоқи мудофаа хизматлари раҳбарларининг Брюсселда бўлиб ўтган учрашувидан кейин янгради.
Раиснинг сўзларига кўра, Европа Иттифоқи ушбу мақсадни амалга ошириш учун аъзо давлатларни кўпроқ ўқ-дорилар ишлаб чиқариш ва сотиб олишга ундайди.
"Биз Европа мудофаа агентлиги томонидан тузилган шартномалардан фойдаланган ҳолда аъзо мамлакатларни кўпроқ сотиб олишга, янада кўпроқ ишлаб чиқаришга ундашга ҳаракат қилмоқдамиз. Аммо биз ҳам молиявий ёки Украина мудофаа саноати билан ҳамкорликни кучайтириш орқали янги ташаббусларни илгари сурмоқдамиз," - дея тушунтирди Бригер.
Марказий Осиё халқлари учун Россия энди қизиқ эмас
Истанбулдаги музокарада Россия Украинага бешта шарт қўйди
"Ким Чен Инни суд қилиш вақти келди"
