Украина бошқа мамлакатларга қурол экспорти ва сотишига қўйилган тақиқни бекор қилади. Бу ҳақда Зеленскийнинг тегишли келишуви мавжуд, дея хабар бермоқда Форбес.
Вариантлар орасида Украина Қуролли Кучлари учун қурол сотиб олиш жамғармасини ташкил этиш кўзда тутилган бўлиб, унга ишлаб чиқарувчилар даромадининг бир қисми йўналтирилади ёки қуролга қўшимча равишда 20 фоизлик бож солиғи жорий этилади.
Ишлаб чиқарувчиларга Украина билан тузилган шартномалар ҳажмининг ярмигача миқдорни экспорт қилишга рухсат берилиши мумкин.
Қурол-яроғ экспортини йўлга қўйиш механизми бўйича сиёсий қарор май ойидаёқ қабул қилиниши кутилмоқда.
