Украиналик зобит Киев кучларининг "бардош бериши" ва урушни тезроқ тугатмоқчи бўлган АҚШ президенти Доналд Трампга қарши чиқиши кераклигини таъкидлади.
Украиналик аскар ўзи ва сафдошлари қонли урушни тезроқ якунламоқчи бўлган АҚШ президенти Доналд Трамп томонидан "сотилгандек" ҳис қилаётганини айтди.
Душанба куни Россиянинг кенг кўламли босқинига уч йил тўлди. Ўтган ҳафта АҚШ ва Россия вакиллари Украинасиз, ҳар икки томон кўп қурбон берган можарони тугатиш бўйича музокаралар ўтказди.
Бироқ, фронт чизиғидаги украиналик ҳарбийлар АҚШ президентини танқид қилиб, жангни давом эттиришга сўз беришди.
Разведка ходими CNN телеканалига шундай деди: "Трамп ўзининг тинчлик режалари ҳақида гапира бошлаганидан бери ҳаммамиз хоинликка учраганимизни ҳис қилмоқдамиз. У Россиянинг энг яхши агенти бўлса, ҳайрон қолмайман. Биз бардош беришимиз керак... гап шу".
Украинанинг олий ҳарбий қўмондони генерал-полковник Олександр Сирский якшанба куни оғир ҳафтага қарамай, жангчиларнинг руҳий ҳолати юқори даражада сақланиб қолганини маълум қилди.
Россиянинг Курск вилоятида жойлашган Украина ротаси қўмондони ҳам CNN телеканалига шундай деди: "Мен жуда чарчадим, бу ердаги ҳамма ҳам шундай. Сиёсий баёнотлар бизнинг бу ердаги вазиятимизни ўзгартирмайди."
475-штурмчи батальон қўмондони Олександр Настенко АҚШ телеканалига берган интервьюсида Украинанинг олти ойдан сўнг Америка ёрдамисиз қулаши ҳақидаги гаплар ҳали эрта эканини таъкидлаб, шундай деди: "Биз бу вазиятдан қандайдир йўл билан чиқиб кетамиз, таслим бўлиш ҳақида гап ҳам бўлиши мумкин эмас."
Президент Трамп Украина президенти Володимир Зеленскийни "диктатор" деб аташи баҳсли вазиятни келтириб чиқарди.
Россияликлар рекорд суръатда ўлмоқда
Наврўзда Ўзбекистон аҳолиси неча кун дам олади?
АҚШ Европага уч ҳафта вақт берди
